المساهمات : 131 تاريخ التسجيل : 02/02/2009 العمر : 36
موضوع: المطرب العاتفى جمجوم الحنجور الأحد فبراير 22, 2009 3:42 am
وعلى غرار كابتن ماجد عاد اليكم من جديد
نقولها صريحة وواضحة
جمعاوى عاد الينا من جديد
معلش انتوا عارفين زحمة العيد و الشغل بيكتر فى المخاب.......اقصد فى الشركات الكبيرة
وجمعاوى اخونا المهم كان مشغول جدا ومعرفناش نعمل معاه اى لقاء وخصوصا بالهيئة المزرية اللى كان فيها
كنا وقفنا مع شهرزاد لحد فين
اممممممممممممم اما افتكر كده يوووووووه سيب الاكل ياجمعاوى بقى دى بقت حاجة بشعة
تصوروا اتفاجئ بجمعاوى بعد العيد يبقى قد الفيل من كتر الاكل
ده بقى منفوخ اوى
منظره فظيع
واهو قاعد ياكل اهوه وانا بكتب شويةالكلام ده طيب حيث كده بقى نبدا مع طلب جيمى التانى للعفريت وهو انه يبقى -اعزائى المشاهدين - هيفاء وهبى الجديدة واليكم ماقد كان المطرب المشهور جمعاوى الحنجور
حفظنا قبل كده ان ابونا جمعاوى طلعله عفريت من القله الاركوبال بتاعة جده جيمى الكبير وقاله ليك طلبين ,اتحقق الاول ياكتكوت وناقص التانى 00 ياترى هيطلب ايه! نشوف كده ماهو مجنون ممكن يطلب اى حاجة
جمعاوى: ياعفريت ,ياعفرييييييييييييييييييييييييييت انت صحيح العفريت ,والنبى صحيح !!! طييب شوف ياعفريت انا 00 امنية حياتى من زمااان أنى أغنى أنا صحيح صوتى بيخروش وحنجرتى شبه السفون البايظ لكن العبرة ف الزمن ده مبقتش بالصوت العفريت: أمرك مطاع ياسيد الانطاع ونسمع نفس الضحكة المريعة بتاعة المرة اللى فاتت المكونة من كذا مرة نياهاههاهاهاهاهاهاهاهاهاهههاهاهاهاهاهاهاهاهاهاهاهاهاهاهاهاها اناهنزلك حالآ فالسوق خمس شرايط جمعاوى:خمس شرايط مره واحده 00ليه هتنزلى شرايط برشام! العفريت:ولسه00أناهخليك تطلع ف ليالى التلفزيون وليالى الراديو وليالى الشتاء القارس00 والليالى السودا كمان لو حبيت (اه ماهى كانت ناقصة جمعاوى بقى ماهى لونها غامق كفايه ياعمو العفريت) هتغمض عين وتفتح عين هتلاقى نفسك اشهر مطرب ف مصر ولبيا والدول الصديكه -ياشمهورش خليه فنان من غير كليب عريان ولاكلام تعبان- (ودى تعويذة بردوا ياراجل؟؟؟؟ قصدى ياعفريت انت ياعفريت امال هيبقى مطرب ايه بقى فى الزمن ده 0000 ):{ * (ومرت الايام وفاتت الايام تيرارارا .. وداس جمعاوى -بالشوزات الجديدة اللى جابها من سان ستيفانون-ده طبعا التسميه الجمعاوية-) :):: :):: :):: :):: على كل المبادئ بعد ما بقى فنان) وده لكاء تاليفزيونى ركيك ينكل لسيادتكم جمعاوى الانسان وجيمى المطرب العاطفى الذى نافس زميله سيد أذيه فى الطرب والابداع:
المذيعة : سيداتى ساداتى معانا النهارده فارس من فرسان الأغنيه الشبابية حاجة كده فرز أول المطرب العاتفى المشهور جمعاوى الحنجور فى البدايه نحب نقول لك مبروك على الألبوم الجديد الى مكسر الدنيا(صوت ضحكة مش عايزة اقول وصفها بس تخيلو معايا شوية مش كله عليا بردوا ) المهم كملى بس وبلاش مقاطعة بقى لاحسن الناس اتخنقت اوكى جمعاوى : شكرا ياغالية يا بنت الغاليين يا اصيله يا بنت الأصليين ياحلوة يابنت الحلوين يام....................(ناسف محذوف بواسطة الرقابة العيالية) المذيعه : عاوزين نسمع حته منه فى بداية حوارنا( والنبى ياجمجم انا كمان عايزة حته ادوجه ادوووووووجه) جمعاوى :
ياحبيبى حرام كفاية ........ضحكتك برشام دوايه لما مره زعلت منى.........كف ايدك شال قفايا )((امال مين اللى غنى الحب دح دح والهجر كخ كخ)ااااااه ده سيد اذيه بقى الواحد معدش فاكر اسمه فى الزمن ده)( يالا دنيا غرورة يا سد احمد المذيعة: برافو برافو ايه الحلاوه دى, مفيش جبنه???(ولا زيتون؟؟؟؟؟؟) طب ياترى تحب ترد ع الناس اللى بيقولو ان الشرايط بتعتك فيها اسفاف؟ لالالالالالا (انا بقى اللى ارد عن جيمى وده كلام! اسفاف ايه بس ياجماعة خلينا سبور امال ) جمعاوىبحماس طبعا وبعدما توردت خدوده لما افتكر انه هيعرف يجاوب اول سؤال) اسفاااااف انا معنديش شريط بيسف .. أناهقول للناس دى أتأكدوا أكيد العيب ف التسجيل المذيعه:لأ أنا أقصدانها لا أخلاقيه جمعاوى:لأ لأ كله الا كده أنا راجل عندى أخلاق وتين(رغم انك مش بتحب التين الشوكى طول عمرك ياجيمى الدنيا غيرتك بقى ولا ايه.؟) .. أنا بحج مرتين ف السنه :):: :):: مره ف الصيف ومره ف الشتا وصليت الجمعه الى فاتت كمان لالالالالالالالالالا كتييييييير ياراجل ومكنتش عاوز اتكلم بس مضطر .. انا اتبرعت بمليون جنيه من يومين لاعمال الخير المذيعه:اعمال الخير؟ جمعاوى:انا أتبرعت لمدرسه الرقص الشرقى عشان العلم نور المذيعه : طب ياترى مين الاسماء الى كانت ورا نجاحك؟ جمعاوى هما اسمين بس اسم المنتزه واسم الرمل المذيعه : وايه اخبار ألبومك اللى جاى جمعاوى: ألبونى اللى جاى غنيت فيه للوطن وقلت ...مصر هيه أمى طنطا هيه خالتى وغنيت عاتفى...اللى يرن عليك ياقلبى كل يوم كنسل عليه وغنيت عن التعاون ...ياحبيبى فلينى فلى دأنتا حبك انتاج محلى المذيعه:ومعانا دلوقتى اتصال تليفونى العفريت:ألو يامذيعه ممكن اكلم جمعاوى؟ المذيعه : اتفضل بس قول اسمك الاول العفريت:اسألوه وهوه يجاوب أنااللى كنت فاكر أنه لما هياخد الصوت الجميل هيستخدمه صح جمعاوى:اهده بس حضرتك احنا ع الهوا بلاش فضايح العفريت:ياشمهورش ياشمهورش حبشتكان حبشتكان ارجع ياجمعاوى زى زمااااااااان
وخرج من البرنامج تصحبه اللعنات واحذيه الناس اللى قلعوها -مش احتراما ليه طبعا- عشان يضربوه بيها واضح ان جمعاوى هيفضل طول عمره كده يجبر الناس تخلع الى فى رجليها(عشان تضربه بيها) :):: :):: :)::
الأحد فبراير 22, 2009 3:42 am
):{
):: :
بحماس طبعا وبعدما توردت خدوده لما افتكر انه هيعرف يجاوب اول سؤال) اسفاااااف انا معنديش شريط بيسف .. أناهقول للناس دى أتأكدوا أكيد العيب ف التسجيل