المساهمات : 131 تاريخ التسجيل : 02/02/2009 العمر : 36
موضوع: أبوووووووووووووووووووووويا الأحد فبراير 22, 2009 11:09 am
جمعاوى تعبان اوى ياجماعة الحمل تقيل اوى عليه مهو جمعاوى بعد حكاية الرسالة دى اول لما فاق قرر انه يشتغل بعد العشا .....بعد الظهر عند الناس الطبيعية يعنى وعشان هو بيحترم التخصص جدا هو فى كلية تجارة عشان كده راح اشتغل محرر فى احد الجرائد المبتدئة وعشان ميتأخرش عن زمايلوا اوى يشتغل واهو يكوم نفسه بردوا عشان يتجوز بردوا هى جت عليه يعنى؟ ماالواد خالد خطب يبقى جمجم ساحر النساء هيغلب يعنى وهو عارف انه على الرغم من ظروفه دى ليه سحر خاص :):: لاتقاومه الفتيات ابدا كل اللى زيه اتخرج وهو لسه محلك سر هو بصراحة معدش سر كل الناس عرفوا انه سقط سقط انا صيحتلو جامد بردوا الراجل لازم ياخد حقه مهو ده جمعاوى احد عظماء مصر القلائل ولازم الاعلام يديه على دماغ..... اقصد يديه حقه بس هو بالاضافة انه سقط ده جمعاوى واخدلى بالك ياعم جمعاوى سقط هيه مش عارف يذاكر بيقول ان دماغه زى ال .....ومش راضية تشتغل دى مش فتنة بس هو اللى قال كده ماهو كل اللى يسقط كده ياعم جمعاوى البداية صعبة عشان تحرم تسقط بس المرة دى الموضوع قلب بميلودراما والضحايا كتروا اوى
الله يرحمه بقى الراجل كان لسه قاعد معانا زى الفل هو الواد جمعاوى ده جه بالشر على بيته كله يالا مش مهم خد الشر وراح فداك ياجمجم انت الحيل والضحكة على رأى من قال انت اللى بتجرح وبتداوى بردوا خلينا نشوف جمعاوى بدأ الموقف المأساوى ده الزاى
ابويييييييييييييييييييييييييييييييييييييا
ديب .. ديب .. ديب
كانت الضربات تهز الحجرة بقوة وكأن البيت سينهد على رؤوس اصحابه .. ذلك عندما سمعت صوت ابى يقترب علي من الحجرة المجاورة وهو يقول " الحقي ياتفيده .. ابنك المجنون باين عليه هيعملها ويفتح اوضته على اوضيتنا "
انفتح باب الحجرة فجأة ودخل ابى مسرعا وهو يصرخ :-
بتعمل ايه يامجنون يابن ال ( كذا ) ورغم اعتراضى الشديد على وصفة لى بالمجنون مش مهم التانيه ..لكنه بالفعل..كان عنده حق .. فلقد دخل على وانا نازل بدماغى رزع فى الحيطه والدم مغرقها ومغرق وشي معها .. وانا عمال اصرخ وأقول :
-ياأنا ياأنتى ..ياأنا ياأنتى .. هتشتغلي يعنى هتشتغلي ..والله منا عاتقك الا لما تطلعى قماش .
-قفز ابى فوقى بسرعة وهو يكتفنى بكل قوته ويقول : اهدا .. اهدا يامجنون .. اهدا بقولك هتموت نفسك
-طب وأيه يعنى مجنزرة .. ولا مبعجرة .. وانته عايز منها ايه دلوقتى .. ده حتى لسه بدري على الامتحانات
-" جامعاوي اعظم محرر فى التاريخ القديم والجديد كله" يابابا .."ومقالات جامعاوي"اللى بقالها اكتر من تلت او اربع مرات تخنق وتجيب اللى فى البطن وكل ما أحاول اجيب فكرة جديدة الاقى دماغى محجرة زي الج.....احم اقصد الطوبة
ايه يعنى!!..يابابا انته مش عارف حاجة .. ده انا بقيت مسخة الجريدة .. ايشى شتيمة وايش تأليس .. دى وصلت ان الواد خالد اللى ميعرفش الألف من لوح الازاز بيقولى حكهرب اوكرة الباب بتاع "باب جمعاوي اللى بتنزله كل يوم فى الجريدة" عشان لو فتحته تانى تموت ونرتاح منك .
-بابا إيه اللى يكهربه ده؟؟.. ده أنا اكهربلك المبنى باب باب..واكهربه هو وعيلته معاهم
-يابا المشكلة مش فى خالد وبس .. ده كل الناس بتقول كده .. حتى اللى بيبعتولى جوابات بقت كلها تعليقات شنيعة(صوت نهنهة جمعااوى) ونسيوا كل الحاجات الجميلة اللى كتبتها قبل كده .. نسيوا كل الضحك اللى ضحكتوهلهم .. وكل ده عشان ايه عشان كام مقال طلعوا ولا نزلوا
-طب يابنى ماتورينى المقالات دى يمكن يكونوا ظلمينك ولا حاجة
- والله عندك حق يابابا .. اقرا انته واقولى رايك ( اديته يقرا المقال السابق "سفن رول لاكل الفول" )
وبعد ما انتهى القراءة .. ابتلع ريقه بصعوبة ثم قال " ولايهمك يابنى ما تحوطش فى دماغك ..ياربى مش عارف الصداع اللى جالى مرة واحده ده .. قوم ناولنى دوا الضغط
-انهاه بصعوبه بالغة .. وقد تعالت انفاسة فى صورة مفزعة وقعد يصرخ " خلاص بقى الله يخرب بيتك .. ما اللى حصل حصل .. اجري هاتلى دوا القلب بسرعة
-حاضر بس شوف الاول المقال ده اخر حاجة .. واديته "الاتحاد سيد البلد " وياريتنى ماديتهولوه .. فلقد بدء يترنح فى الحجرة .. طيب هات الاسعاف بسرعة.. ثم سقط من طوله ممددا على الارض واحذ يتكلم فى صعوبه بالغة :
"اوعى امك تقرأ الحاجات دى .. لازم حد يعيش عشان يربي العيال .. اخواتك الصغيرين ملهمش ذنب مشمش لما يكبر ميعرفش حاجة عن الشغلانة دى ولا تخليه يقرا الحاجة دى ...."
ثم نظر الى نظرة يملؤها اللوم والغضب وقال .. روح منك لله .. ثم شخص ببصره الى السماء .. و..
ابوييييييييييييييييييييييييييييييا
0(وهكذا .. رحل فى هدوء بعد ان أطمئن ان ابنه الاكبر قد صار اشهر كاتب كوميدى فى مصر بس لسه الناس مفهمتوش ؟؟؟!!!)
وها قد فقد جمعاوى ابوه بفضل حماقة ورعونة غير مدروسة العواقب مش بقولكوا جمعاوى ده معدش بيصعب عليا مهو مش من شوية مانا عارفة مصايبه واحدة واحدة وعارفة انه اتسبب فى حاجات زى دى لناس كتير يارب بس ماتطولكوش لعنة جمعاوى ماهى زى لعنة الفراعنة بردوا
بس اكتر شوية انا مجربة ...كحكحكح الدوا من على الكوممودينو يارتيبة (بنت بتساعدنى وانا لوحدى عشان الصحة مش مساعدانى من ساعة مابدأت اقرا الحاجات دى) منك لله ياجمعاوى ..........الدوا يارتيبة انتى يا..............حرام عليكى دوا الازمة يابت
هسيبكوا بقى لما اقوم دى مزنوقة فين وأكلت الدوا ولا ايه مش عاتقاها انا هوريكى يارتيبة ....الله ي....بيت الشاتنج اللى بيعمل كده فى العيال ايه ده االى الى بتسمعه رتيبة وعشان كده مش سامعانى وانا بنده عليها ايمان البحر ماكنش بيقول كده فى اغنية الاطفال بتاعتى اسمعوا معايا ياحضرات فى البحر سمكة...... (وبعد كل ده) فى البحر موجة بتزوق موجة والشط زحمة وبوليس وهوجة وننه تصرخ وتقول لبابا يايابا يابابا هاتلى مسحوق وبودرة وبابا طبعا عايزها تدمن وتبقى اتخن وتبقى اجرم وتبقى يعنى فى جمالها بطة ولما تقتل تقول دى لعبة فى البحر سمكة بتزوق سمكة عالشط واقف هجام بفلكة وبابا يجرى وييجى تانى وننة طبعا تقعد تراقب البودرة اهيا والسمسمية هتشمى ديا وتاكلى ديا يارب اشوفك قدام عنيا دبدوبة حلوة وكمان غبية وكبيلة خالص وغلباوية بالخطف رايحة والقتل جايه
.................................................. ........................................................... بعد العودة من المستشفى: ومعاودة الارسال معايا : المرة اللى جية ان شاء الله هيقرر جمعاوى الجدول بتاع المذاكرة لاحسن فاضل اسبوعين ولا مش فاكرة اد ايه على الامتحان والبيه جمعاوى لسه مفتحش كتاب خليك بقى ياجمجم زعلان على باباك واسقط تانى عشان الحجة تحصله وتتحرم المرة من اعظم ضربة شبشب كنت بتاخدها على اف.....المهم هنحط لجمجم جدول ونشوفه وهو بينفذه حرفيا
وغدا يوم آخر اللى اللقاء مع جمجم جديد ربنا يدينى الصحة بس
الأحد فبراير 22, 2009 11:09 am
):: 
لاتقاومه الفتيات ابدا
