Admin
Admin
المساهمات : 57
تاريخ التسجيل : 30/01/2009
 | موضوع: صلاح جاهين.....الفيلسوف قاعد يفر سيبوه  الجمعة فبراير 06, 2009 3:27 pm | |
| الفيلسوف قاعد يفكر سيبوه
لا تعملوه سلطان و لا تصلبوه
ما تعرفوش إن الفلاسفه يا هوه
اللي يقولوه بيرجعوا يكدبوه
عجبي !!! علي بعد مليون ميل من أرضنا
من الفراغ الكوني بصيت أنا
لا شفت فرق بين جبال و بحور
و لا شفت فرق ما بين عذاب أو هنا
عجبي !! إنسان أيا إنسان ما أجهلك
ما أتفهك في الكون و ما أضألك
شمس وقمر و سدوم و ملايين نجوم
و فاكرها يا موهوم مخلوقه لك
عجبي !! نظرت فوق للنجوم و انا ساير
رجليا عترت في الحفر و الحجاير
بقيت أقول و انا ع التراب: يا سلام
مش بس عبره أخذت لكن عباير
عجبي !!!
- يا نجم .. نورك ليه كده بيرتجف ؟
هو انت قنديل زيت ؟ أو تختلف - أنا نجم عالي .. بس عالي قوي
و كل ما انظر تحت اخاف انحدف
عجبي !!!! السم لو كان في الدوا منين يضر ؟
و الموت لو عدونا .. منين يسر؟
حط القلم في الحبر و اكتب كمان .. و العبد للشهوات .. منين هو حر؟
عجبي !!! | |
|
Admin
Admin
المساهمات : 57
تاريخ التسجيل : 30/01/2009
| | موضوع: بس الجمعة فبراير 06, 2009 3:33 pm | |
|
انا اكتر جزء بيعجبني جزء الفلاسفة.علشان اليومين دول الفلاسفة مالوا الدنيا بجد
| |
|
