نبدابقى المايك معاك ياسى جمعاوى ورينا الابهة قسم وسمعنا هنتفرج من سكات ونراقبه من بعيد وهو حاطط مايك فى افاه يعنى هنسمع معاه بردوا
cheers:
وحدوووووووووووووووووووووووه
في سكون اليل البهيم ... دوى عواء ذلك الكلب العقور ... ليهز أركان جنبات ذلك المكان الموحش بمقابر العمود ب .....(مكان اى كلام فى اسكندرية) ... كان صمت القبور يحيط بالمكان و يلفه في مشهد يبعث الرعب في النفوس (خلص ياسى جمعاوى انت هتشعر عليناماحنا دافنينوا سوا).. ذلك عندما ظهر هو بين المقابر .. و اخذ يقترب مني في ترقب و حذر قبل ان يقول ...
- وحدووووووووه - اجبت : لا اله الا الله - رد : كل من عليها فان - رددت : و نعم بالله - رد : و لا باقي غير وجه الله - قلت : سبحان الله ( التفت يمينا و شمالا قبل ان يميل علىّ في حذر و يسألني )
- هو الباشا طالب ايه .. هيكل عظمي ؟؟ - لأ - بانجو ؟ - برضه لأ - حشيش ؟ - مش كيفي - هيروين ؟؟ - مش سكتي - سبحان الله معاك يا بيه .. حيرتني ... امال انت عايز ايه ؟؟ (قربت من ودنه و همست في هدوء ) - دستوووووووووووور (صرخ في فزع ) - اعوذ بالله من الشيطان الرجيم .. لأ يا بيه كله الا كده .. حد الله بيني و بين السياسة - اهدا بس و بلاش فضايح ..يعني انته بتاجر في الجثث .. و البانجو .. و الهيروين .. و خايف م السياسة ؟ - يا بيه الحكومة مش في دماغها الكلام ده كله .. لكن انت عارف الي بيهوب من سكة السياسة ايه اللي بيجرا له - و هما ايه اللي هيعرفهم بس .. انت هتنجزلي المشوار في الدرا .. و لا من شاف و لا من دري .. - اصل انته يا باشا الطلب اللي انته طالبه ده مش سهل ... القتيل اللي انته عايزني اطلعهولك ده مش اي حد .. ده قتيل اثري و بعدين العين عليه اليومين دول .. و ممكن في اي لحظة يطب علينا اخوانا اياهم عشان يطلعوه و يشرحوه - ماتخافش ... انا مش هاخده و اروح بيه في حته .. انا كل اللي عايزه اني اعرف هما عايزين يعملو بيه ايه - و الله اعلم يا باشا .. في ناس بيقولو انهم عايزين يدفنو معاه عمل و ناس تانية بيقولو انهم بيحضرو قرينه عشان يسخروه لخدمتهم - اهو انا بقى كل اللي عايزه منك انك اول ما تلاقيهم جم تبعتلي رسالة "بليز كول مي"(جمعاوى العريس بس شحات بردوا مفيش فايدة ) هتلاقيني عندك في ظرف ثواني - بس يا بيه الموضوع ده خطير .. و ممكن لا مؤاخذه حد يهرشك .. اضيع انا معاك فيه - ماتخافش .. لو حصل حاجة هقولهم انا كنت جاي ازور المرحومة امي
لم تمض بين رنة استلام الرساله ع الموبايل و وصولي للمقابر سوى دقائق معدوده ... كان الامن يحيط باسوار العمود من كل مكان .. لكني استطعت الولوج للداخل من احدى المداخل السرية الخاصة باصحاب المزاج و طلاب الخيال اختبئت وراء احدى شهود القبور و اخذت اراقب المشهد من بعيد .. كان هناك مجموعه من الرجال اصحاب البدل و النظارات السوداء و السماعات المتدلاه من الاذن متفرقين بين القبور... بينما احاطت مجموعه اخرى منهم بعدة اشخاص تبينت منهم رجل طويل القامة و اخر قصير ممتلئ الجسم كانو ينادونه بدكتور فتحي .. و اخرين لم اتبينهم من الظلام .. لكن .. و على شفا القبر المقصود وضع مصباح جلس بجواره رجل ذو عباءة خضراء و شعرا اسود طويل و اخذ يتمتم بكلمات غريبه قائلا..... " دستور يا دستور .. قولنا مين عليه الدور .. ارضنا خصبة تصبح بور .. ساقية قديمة علينا بتدور مين البقرة و مين التور .. قولنا ياللا يا دستور " و فجأه .. دوت صيحة ضحك مجلجلة في ارجاء المكان صاحبها تصاعد دخان ازرق كثيف في السماء و بدأ يتجسد شئ اشبه بمارد ضخم وانطلق منه صوت يقول... " شبيك لبيك .. عفريت الدستور بين ايديك " "والنبى ياخواننا اللى شاف يسيب مكان لاخوه عشاننشوف كلنا""ولاخواننا اللى بيتفرجوا من المنازل هو مش مارد اوى يعنى حاجة تشبه عفروتو كده "
ساد الهلع و الفزع في ارجاء المكان و بدأ البعض يهرب من الخوف بينما صرخ الساحر في الجميع : " كله يثبت مكانه .. متخافوش .. طول ما انا معاكم ميقدرش يأذيكم " و التفت الى المارد يقول : -احنا طالبين قوة جبارة .. في العطفة و الحارة .. و السمع و الطاعة .. رغم المجاعة .. و الشعب الخبيث .. يرضى بالتوريث .. و مبنى البرلمان .. يخلى م الاخوان .. و الكرسي في ايدينا .. من طابا لمارينا .. لا حد يقربلنا .. و لا يقعد جنبنا .. و نفضل كده على طول .. ولا الشعب يستجرى يقول .. مش هرضى اعيش مذلول .. و هبطل اكل فول - حيلك حيلك .. ايه يا عم انته ده .. انا صحيح عفريت بس .. بس مش للدرجة دي .. و بعدين انتو عايزين عفريت يساعدكو ليه .. ده انتو ابلس م الابالسه انطلق الباشا الطويل يقول : - واد يا عفريت احترم نفسك - احترم نفسي.. ليه يا عم المرعب .. انته فاكرني مواطن عندك و لا ايه .. لا .. انا غير العالم دي اللي انتو بتحكموها .. ده انا خاربها في العالم الاخر يعني لو طلبت معايا اخلي الكراسي اللي انتو قاعدين عليها دي زي الكراسي الموسيقية .. و اوريكو اعلان " تخلص من نظامك القديم " ( احمر وجه الرجل من الغضب و صرخ بمنتهى القوة ) - انتو واقفين تتفرجو عليه .. هاتووووووه مرت دقائق.. اصبح بعدها العفريت جديرا بان يمتلك الفيديو الاكثر تداولا بين مدونات التعذيب .. فقد تورمت عينه الوحيده حتى اغلقت تماما .. و تدلى قرنيه في انكسار و ذله .. بينما انساب الدم الازرق من فمه بعد ان انكسرت انيابه الامامية و تدلى لسانه المشقوق على جانبيها .. رفع احد رجال الامن سلكين عاريين امام وجه العفريت و اخذ يحركهم في لغة تحذيرية قائلا : - ايه تحب تاني .. و لا هتلايمها - لا يا باشا الايمها .. ده انا بتاعكو يا باشا .. - طب هتظبط الدستور .. - اظبطه يا باشا - و تقفل الانتخابات - اقفل ابوها .. و لو عايزني اسحل العيال بتوع المعارضة .. اسحلهملكم يا باشا - لأ .. سيب موضوع السحل ده علينا .. لكن قولي بقى انت تبقى مين ياض .. - ابقى مين يا باشا .. (همس في اذنه بهدوء) - انت تبقى عفريته و اسمك سوسن .. تبقى مين ؟؟ - عفريته و اسمي سميحة (صفعه بالقلم في عنف و صرخ ) - سوسن ياض .. سوسن بقولك ( صرخ في هلع ) - سوسن يا باشا .. و الله سوسن - اهو كده و خليك فاكر ان الحاجات دي كلها اتصورت بالموبايلات .. يعني لو عايز تذيع قول ذيع - لا يا باشا الهي يسترك بلاش فضايح انا هاعمل كل اللي أنتو عايزينه تركوه و انصرف فجلس على شفا القبر يبكي في حرقة و يولول مثل النساء .. فاقتربت منه حتى جلست بجواره و اخذت اربت على كتفه و أواسيه .. بينما اخذ الكلب العقور يعوي و حانوتي المقابر يصرخ في سكون الليل و يقول:
وحدوووووووووووووووووووووووه evil:
حد قال ياماما انا سمعتها ولا انا اللى قلتها بقى ايه النظام ياجدعان
عادى جلسة عادية الا لوحد فهم منها حاجة تانية مش مسؤليتى انتوا كنتوا معايا وسمعتوا انا مجبتش حاجة من دماغى بالنسبة للناس اللى خافت ومشيت بسرعة
انا عارفاهم وهجيبهم واحد واحد وواحدة واحدة خايفين من ايه !!!!!!!!!!! عوووووووووووووووووووووووووووووووووووو
مين اللى عمل الصوت ده والله مانا عاتقاه ماشى ماشى :{ :{ كده طيب والله مانا قايله لكوا مكان الحمام بعد الليلة دى كل واحد يتصرف مع نفسه بقى
الخميس فبراير 12, 2009 11:40 am
:: 
