ومفيش داعى للافكار السوداوية اللى اكاد اسمعها تدور فى بعض الاذهان مش كلها طبعا
(واحنا مالنا ياستى ماتروحى فى ستين ..!!!!سلامة هتدوشينا)
اوك هقول حاجة وبعدها هتعرفوا انا اتخنقت من جمعاوى ليه
اولا خد منى الكانز سفن اب اللذيذ الرايق بتاع دكتور طه مخدوش منه هو (الا الفلوس ياجمجم دى اكتر حاجة توجعنى وانت عارف كويس اوى كل ده عشان المز............ة اقصد الظريفة الكميلة خطيبتك ياجمجم بتوفرلها على حسابى ؟؟؟؟ماشى ربنا يهنيييييييييييييييكم ويسعدكم) يبقى قابلنى لو سيبتك تتهنى يوم واحد
ثانيا بقى البيييييييييييييه جمعاوى ابو 23 سنة بيخاف موووووووت من حاجة اسمها قطار وبيقولى انه القطر اللى يركبه جمعاوى لايونكن يكمل مساره هيتقلب بيه ومش هيوصل......(يارييييييييييييت خلينى اخلص بقى اعتقنى لوجه الله) وعلى هذا جرجرنى معاه (منه لله) عشان لو القطر جراله حاجة يبقى مطمن على مستقبلى وميكونش قلقلان عليا فى تربته( ربنا يهدك ياجمعاوى )
وطبعا عشت ربع ساعة (قبل مالقطر يقوم هتشوفوا هعمل ايه فيه اما وريتك ياجمعاوى ال......)
وهتسمعوا قالى ايه بالضبط ده كان حم .....احم اقصد حوار تسجيلى معاه وقال :
يا دنيا يا... قطاري((لازم العنوان آل يعنى بيكتب فى الأهرام مثلا
بمناسبة القطارات اللي عماله تطقش في بعضها كل يوم والتاني ...وبمناسبة إن الدنيا دي قطر وراكبينه ، ..وكل واحد لما تيجي محطتة لازم ينزل ...وبما إن الواحد في البلد دي ما عادش ضامن يفضل عايش علشان يوصل لمحطته ...ولأن ممكن القطر يخيش في أي حاجة ، أو يولع أويتقلب ، أو يتنيل بنيلة على دماغ اللي راكبينه (العقد السودا ابتدت ...قررت أرجع لربنا وأتوب وأستعد لهذه اللحظة الحاسمة ..لحظة النهاية ...THE END...الفينال ...وبما إني عربي أنا ...وذلك الفيلم العربي ...في هذا الوطن العربي ...يبقى لازم نهايتي تبقى زي نهاية أي فيلم عربي نهاية سعيدة .. :):: :):: :):: :):: .اسمع الأذان وأعيط وأتوب إلى الله وأصلح غلطتي وأرجع حقوق الناس اللي أكلتها طول الفيلم ..وبما إن الفيلم طويل أوي ..وممل أوي فسامحوني لازم أرجع بالفيلم فلاش باك ..علشان أفتكر أخطائي اللي عملتها في حياتي.
من حوالي أكثر من عشرين سنة وفي ليلة من ذات الليالي ..( الشاشة تهتز وتتموج فيظهر مشهد لحجرتي _ أبيض وأسود _ والدنيا بتشتي بره وعماله ترعد وتبرق ) مسكت أخويا الصغير وركبت على مراوحه ونزلت فيه بوكسات وأقلام وقفيان ...لكن المسكين كان ما بينطقش ..كان عامل فيها راجل ..لكن انا وبكل خسة ونذالة كنت بأضربه وأصوت وأصرخ وأقول ألحقني يا بابا ..بيضربني يا بابا ...وأول ما أسمع صوت بابا جاي ..أقوم من عليه وأرمي نفسي في الأرض وأتفتح في العياط يقوم المسكين ينضرب تاني من بابا ...ودي كانت بداية الشر اللي جوايا ...
الشر قعد يكبر جوايا ..ويكبر ويكبر ..لغاية ما بقى نخلة كبيرة ..قعدت اطلع عليها ..اطلع ..لغاية ما بقيت فوق ...فوق اوي ...عملت كل حاجة غلط ممكن يعملها إنسان ..سرقت الصفارة بتاعة إبن خالتي يوم ما رحنا نزورهم ...حطيت مستيكة في شعر البنت تغريد اللي معايا في الفصل ..وصاروخ في بنطلون هيثم ..وشخبطت بالقلم الجاف على قميص تامر ابن الأبلة..وكعبلت أدهم وهو بيجري في الحوش ...وغشيت في امتحان الحساب ...وأكلت ساندوتشات الواد خالد التخين .
ياما قصفت الاقلام الرصاص بتاعة اخويا الصغير عشان بابا يضربه وكانت بتوصل لما الشر اللى جوايا يحصله فيضان (مرة او اتنين كل سنة) انى امسك القلم نفسه واكسره بين ايديا وساعتها كنت بحس احساس ممتع ,بحس انى اقوى مجرم فى العالم وانى لو كنت استنيت على نفسى شوية كان يبقى فى أمل كبير اطلع بترو...ابقى سفاح واحقق كل احلامى........ هخطف البت نيفن امو مريلة قصيرة واهرب معاها (يانهارىكنت )!!!!!!!!!!!! :twistedعلى اى مدرسة تانية كنت هسرق مرطمان المربى اللى ماما كانت بتحطه فى دولاب النملية اللى فى المطبخ وطبعا اى سفاح كان هيبقى معاه مفاتيح للعالم كله
يما عذبت في القطط وجرجرتها من ديلها ..وياما حدفت الكلاب بالطوب ...ياما غرقت نمل وولعت فيه وهو صاحي ...أنا وحش ..أنا مجرم ..أنا مجرم ..إهئ إهئ اهئ اهئ (ابكى كمان يامجرم ياظاااااااااالم منك لله منك لله)
القطار يصدر صوت صفارة عالية جدا ويبدأ في التحرك بداية لرحلة جديدة (والله اعلم يمكن تكون اخيرة )هكذا لعب حبى للحياة دورا اخيرا فى الفيلم بتاع السيناريست الاستاذ المخرج جمعاوى وجعلنى ارتكب اكثر الافعال حماقة وثبت من مكانى كمن لدغه عقرب مع قفزة جريئة من القطار وهو يبدأ فى التحرك ....والمشهد الاخير فى هذا الفيلم جمعاوى من شباك القطار يلوح لى فى رعب وعلى جانب ثغره المح ابتسامة تشفى واضحة
تشفى من ايه؟؟؟؟؟؟؟؟
أقولكم
لأن على الجانب الاخر من المشهد رجال الاسعاف (حفظهم الله) يضعونى فى السيارة بعد اصابة فى الساق (منك لله ياجمعاوى
مع تحيات جمعاوي
ماتخافوش انا لسه عايشة والحمد لله
اكيد امال مين اللى داوشكوا بمغامرات الاخ ده
شرخ بسيط فى مفصل الركبة وخلع فى الكتف دى حاجات بسيطة
فقط لمن يجرؤ على معرفة شخص مثل جمعاوى
بس خلاص تمام اوى كده
اخد رأيكم فى حاجة تخص جمعاوى هو قالى اخد رأيكم لانه بيثق جدا فيكم
جمعاوى خلاص قرر انه انه انه عايز يتجوز خلاص تصوروا انا مش هسيبه قصدى مش هسيبه الا مايتمم الموضوع ده على خير (يبقى يقابلنى )ده انا اللى مجهزاه تقريبا فلووووووووسى ياجمجم
وفى الاخر آآآخد صابووونة ماشى
هو عايز رأيكم
مين موافقه وياريت الموافقة تبقى واضحة وصريحة وبدون مواربه
واللى مش موافق بقى (ياسعده وهناه) بردوا يقول ياجماعة مفيش مشاكل حرية الرأى مكفولة للجميع
احنا هنا ديموقراطييييييين من حق كل موااطن ان يقول رأيه طبقا للدستور
بدون ان يخشى من اى شئ او اى عقاب (العقاب بتاعى اشد مش هيبقى كوباية عصير بقى ده هيبقى
الإثنين فبراير 16, 2009 3:12 am
):: :
:twistedعلى اى مدرسة تانية 
